اپوزیشن بھلیکھے وچ نہ رہوے شوق پورا کرلے۔ وزیراعظم دا مارچ نال نبڑن لئی حکم

آزادی مارچ نال نمٹن لئی قائم حکومتی مذاکراتی کمیٹی تے اپوزیشن دی رہبر کمیٹی درمیان مذاکرات دے پہلے دور دی اندرونی کہانی سامنے آگئی ، وزیر اعظم دے استعفے اتے کوئی گل بات نئیں ہوئی ، رہبر کمیٹی مطالبہ کیتا کہ آزادی مارچ نوں ڈی چوک تیک آون دی اجازت دتی جائے ۔
ذرائع مطابق وزیراعظم عمران خان نے آکھیا کہ اسیں کوشش کیتی کہ سارے معاملے اک دوجے نال صلاح کرکے حل ہو جاون ، اپوزیشن کسے بھلیکھے وچ نہ رہوے تاں اپنا شوق پورا کرلے۔ ذرائع دسیاکہ وزیر اعظم نے وزارت داخلہ نوں مارچ نال نبڑن لئی حکم وی جاری کردتا اے۔
حکومتی کمیٹی دا کہنا سی کہ عدالتی فیصلے مطابق ڈی چوک اتے احتجاج دی اجازت نئیں دتی جائے گی ، حکومت پریڈ گراؤنڈ وچ احتجاج دی اجازت دیون نوں تیار اے۔
ذرائع دا کہنا اے حکومتی مذاکراتی کمیٹی دے سربراہ پرویز خٹک نے وزیر اعظم نوں رہبر کمیٹی دے مذاکرات دی اوس ویلے تیک جو کجھ ہویا اوہدے توں جانکاری دتی۔
جیونیوز مطابق وزیراعظم عمران خان نے واضح مؤقف اپنایا کہ مارچ نوں کسے صورت ڈی چوک نئیں آون دیواں گے، ہائیکورٹ دے فیصلے دی روشنی وچ جلسے لئی پریڈ گراؤنڈ دا آپشن دیا، حکومت اپنی رٹ ہر حال وچ قائم رکھنا جانتی اے۔