(اسلام آباد سجن ڈیسک )اسلام آباد وچ منڈے تے کڑی نال تشدد کیس دا سینیٹ دی قائمہ کمیٹی داخلہ نے وی نوٹس لے لیا۔ 14 جولائی نوں اجلاس سد کے ماملے دی پن چھان کرن والی کمیٹی دے زمے داراں نوں وی پارلیمنٹ ہاؤس سد لیا ۔
ایس توں پھلاں ایہ خبر آئی سی کہ منڈے تے کڑی اتے دھرو کرن مگروں عثمان مرزاتے دوجے ملزماں نے ویڈیو وائرل کرن د ی تڑھی لاء کے بلیک میل کیتا تے فیر 10 لکھ روپے منڈے کڑی کولوں بٹورے ۔
پولس نے پھڑے ملزماں دے پاسپورٹ واچ لسٹ وچ شامل کرن دی وڈی سرکار اگےعرض کیتی اے جد کے مرکزی ملزم عثمان دا بھرا علی ابرار، سنگی ریحان تے محب بنگش اجے تائیں پلس دے ہتھے نھیں چڑھے
ایس واقعے دی ویڈیو سوشل میڈیا توں ہٹاون لئی پاکستان ٹیلی کام اتھارٹی نوں وی چٹھی لکھ دتی گئی اے ۔
وفاقی پولس چھیتی منڈے تے کڑی دا 164 دا بیان مجسٹریٹ دے ساھمنے لکھواون گے ۔ اس توں اڈ
ایف آئی آر وچ کجھ ھور دفعات دے وادھے لئی وفاقی پولسئے وزارت قانون نال صلاح مشورے کر رھے نیں
301
