( اسلا م آباد سجن ڈیسک ) پاکستان دی منسٹری خارجہ نے وفاقی وزارتِ داخلہ تے فیڈرل انویسٹیگیشن ایجنسی (ایف آئی اے) نوں عرض کیتی اے کہ ا وہ ملک دے ائیرپورٹاں اندر وڑن تے نکلن والیاں راھاں اتے اجیئے مسافراں اتے ڈونگھی اکھ رکھن جو اٹلی دے سفارت خانے وچوں چوری ہوون والے شینگن ویزا سٹِیکرز اتے اڈاری بھر رھے ھوون ، چیتے رھوے ایس ویزے راھیں یورپ دے 26 ملکاں وچ وڑن دی کوئی ھٹک نھیں۔ اس درخاست دی وجہ ایہ ہے کہ وفاقی دارالحکومت اسلام آباد دے ڈپلومیٹک انکلیو وچ اٹلی دے سفارت خانے نے پاکستانی وزارتِ خارجہ نوں دس پائی کہ سفارت خانے دے لاکر وچوں اک ہزار شینگن ویزا سٹِیکراں دی چوری ھو گئی اے ۔ اک ہزار چوری کیتے گئے شینگن ویزا سٹِیکرزدی دتھی دے نمبراں نوں ائیرپورٹاں دے بندوبستیاں نوں شئیر وی کر دتا گیا اے
231
