(اسلام آباد سجن ڈیسک ) سارے ملک وچ کاغذی اسٹامپ پیپرز دا 74 سالاں دا نظام مکا کے آن لائن کوڈ سسٹم بلیک اینڈوائٹ نظام لاگو کردتا گیا اے جھدا مقصد شہریاں نوں فراڈ توں بچانا اے۔ ھن توں 50 روپے والے اسٹامپ پیپر مکا د تے گئے نیں ، ایہ نہ جاری ھو سکن گے تے نہ ھی ورتے جا سکن گے ۔ آن لائن کوڈ سسٹم ھیٹھ 100 ، 200 ، 600 تے 1200 روپے دے 4 وکھو وکھ پیپرز جاری ہوون گے۔
1200 روپے والے اسٹامپ پیپرز پراپرٹی، معاہدیاں، ایگریمنٹس لئی ورتے جاسن ۔ 600 والے اسٹامپ پیپرز مختارنامیاں لئی، 200 والے اسٹامپ ملٹی پرپز لئی تے 100 روپے والے اسٹام پیپرز پانی، بجلی، سوئی گیس، ٹیلی فون، کنکشنوں دے بیان حلفی سنے عدالتاں وچ جمع کرائے جاون والے بیان حلفی لئی ورتے جا سکن گے ۔ نویں سسٹم ھیٹھ ہر اسٹامپ پیپر ویچن والے نوں لیپ ٹاپ، پرنٹر تے انٹرنیٹ لازمی رکھنا ہووےگا تے ایس نویں نظام کارن اسٹامپ پیپر دے وادھو خرچے وی مک جاون گے ۔
201
