ماں بولی دا عالمی دیہاڑ سی، ایس نوں مدرلینگوئج ڈے آکھیا جاندا اے۔ جیہڑی دنیا دے ہرملک وچ کڈودھ بولی جاندی اے۔ سبھ توں ودھ چین دی ماں بولی مندرین اے،جنہوں اک لکھ لوکیں بولدے نیں۔ دوجی ہسپانوی تے تیجے نمبر اتے انگریزی اے۔
بی بی سی دی رپورٹ وچ آکھیا گیا کہ ماں بولی کیہ اے؟ ایہدی اہمیت کیہ اے؟پنجابی اک وڈی ماں بولی اے، ایس تعلیم دا ذریعا بناون دا مطالبہ ورھیاں توں کیتا جارہیااے۔ کیوں جے بال دی ماں جیہڑی بولی بولدی اے، اوس نوں گل وی ایسے زبان وچ سمجھ آؤندی اے۔ پاکستانی پنجاب وچ ماں بولی کجھ خاص نئیں کیتاگیا، حکومتاں نعرے لگاندیاں رہیاں مگر عملی پیر نئیں پٹے گئے۔ پنجابی لئی کم کرن والے پروفیسر زبیراحمد ہوراں داآکھنا اے، جدساڈے حاکماں لیے تعلیم ای اہم نئیں تو اوہ زباناں خاص کرماں بولی نوں کیوں اہمیت دین گے۔
یونیسکو دا آکھنا اے جد کوئی ماں بولی غیب ہوجاندی اے تے اپنی پوری رہتل تے سوجھوانی داٹورا وی نال ای لے جاندی اے۔ اج تیک ادب دانوبل انعام وی اجیہے 25 بندیاں نوں دتا گیااے جنہاں اپنی ماں بولی وچ کم کیتااے۔
بی بی سی داآکھنا سی ، ماں بولی وچ گل کرناکوئی برائی نئیں،ایس وچ کیہڑی شرم والی گل اے۔جے ماں بولی نئیں بولاں گے تے ایہہ ہولی ہولی مرجاوے گی تے نال ای ہزاراں ورھیاں دی رہتل وی۔
693
