امتحان تے نتیجے دی ٹینشن، یاد رکھو تساں مرنا وی اے

امتحان دے دناں وچ پڑھیار تناؤ تے دباؤ کا شکار ہوجاندے نیں، ایس تناؤ نوں گھٹ کرن لئی ماہراں نے کئی طریقے دسے نیں، جیہدے وچ پالتو جانوراں نال ویلا گزارنا تے یوگا وی شامل اے۔ ایہہ سبھاں طریقیاں بارے اسیں پہلاں وی سن چکے آں، لیکن ریڈ باوڈ یونیورسٹی نے امتحان دے دناں وچ پڑھیاراں دے تناو نوں گھٹ کرن لئی اک عجیب طریقہ اختیار کیتا۔ جیہڑا خطرناک وی لگدا اے۔ ہالینڈ دے اک پرانے شہر نجمیگن دی ایس یونیورسٹی نے پڑھیاراں دی ٹینشن والی کیفیت دور کرن لئی اک کھلی قبر تیار کیتی،
ایس قبر اندر اک مختصر پیغام ’عجیب رہنا‘ Stay weird وی لکھیا ہوندا اے، بھی لکھا ہوا ہے، پڑھن والیاں دا کہنا اے کہ ایہہ پراجیکٹ یونیورسٹی وچ بوہت مشہور ہویا اے انتظامیہ نوں قبر وچ جاون والیاں دا نام اڈیکن والیاں ویٹنگ لسٹ وچ پانا پیندا اے۔
اک پڑھیار دسیا پئی میں تے میرا اک بیلی کھلی قبر وچ اگلے ہفتے جاون والے ساں مگر سانوں ایہہ گل پتا چلی اوتھے جاون والیاں دے نام ویٹنگ لسٹ وچ نیں، ایس کارن سانوں اوس قبر وچ جاون دا موقع نئیں ملیا، اسیں اوہدے وچ ضرور جاواں گے۔
ایس قبر دا نام ’Purification Grave‘ اے جیہدے وچ پڑھیار نوں اُتے لین لئی اک کمبل تے یوگا کرن لئی میٹ وی دتا جاندا اے۔ کھلی قبر جان والے پڑھیار نوں موبائل فون تے کتاباں لے جاونا منع ہوندا اے، پڑھیار اتے اپنے بارے، قدرت بارے تے اپنی آون والی زندگی دے حوالے سکون نال سوچ سکدے نیں۔
اس پروجیکٹ دے پوسٹرز یونیورسٹی وچ تھاں تھاں اتے لگے نیں، جنہاں اتے اک لاطینی آکھان، کہاوت لکھی اے،’یاد رکھو تساں مرنا وی اے‘۔