دانشور تے صحافی۔ ستر دی دہائی وچ پنجاب یونیورسٹی دے لیفٹ سٹوڈنٹ رہنما دے طور اتے ابھرے جس مگروں اک نڈر صحافی دی حیثیت وچ روزنامہ ڈان، ہفت روزہ ویوپوائنٹ تے فرنٹئر پوسٹ اخبار نال کم کردے رہے۔ صحافی حسین نقی ناک مل کے اوہناں انیس سو اننانوے 1989 وچ پنجابی دا پہلا اخبار سجن لہور توں شروع کیتا۔
جنرل ضیاالحق دور وچ جد پاکستانی پریس اتے سخت سنسرشپ عائد سی لہور توں مظہر علی خان دی ادارت وچ چھپن والے ہفت روزہ ویوپوائنٹ حکومت مخالف سوچ تے فوجی سرکار دی پالیسیاں اتے تنقیدی آواز اٹھان والے چند رسالیاں وچ شامل سی۔ ظفریاب احمد ایس مشکل دور وچ رپورٹر تے تبصرہ نگار دے طور اس ہفت روزہ و کم کیتا۔
انیس سو بانوے وچ جدوں ویوپوائنٹ بند ہو گیا تاں ظفریاب احمد فرنٹئر پوسٹ اخبار وچ کم کرن لگ گئے بعد وچ اوہناں بالاں توں جبری مشقت خلاف کم کرن والی اک غیر سرکاری تنظیم بانڈڈ لیبر لبریشن فرنٹ لیے کم کرنا شروع کر دتا جس کے سربراہ احسان اللہ خان ملک چھڈ کے باہر ٹرگئے انیس سو چورانوے وچ ایس تنظیم بالاں دی جبری مشقت خلاف تحریک وچ شامل مریدکے دے اک منڈے اقبال مسیح دے قتل دی ذمہ داری قالین سازاں آتے پادتی۔ عالمی سطح اتے پاکستانی قالین دی برآمد نوں نقصان پہنچنا شروع ہوگیا۔ حکومتی اداریاں ایس تنظیم خلاف تحقیقات کیتیاں تے ایس تنظیم تے ظفریاب احمد خلاف ملک نال غداری دے الزام وچ مقدمہ بنادتا۔
ظفریاب احمد گرفتار کرلیے گئے چند مہینے بعد لاہور ہائی کورٹ اوہناں نوں رہا کیتا تے اوہ امریکا چلےگئے۔ انتقال توں دو مہینے پہلے سخت بیماری دی حالت وچ پاکستان واپس آئے۔ جگر تے سینے دی تکلیف کارن لہور وچ وفات پائی۔
