بھارت وچ 11 اپریل توں 19 مئی تاں لوک سبھا دے الیکشن ست مرحلیاں وچ ہورہے نیں۔
حکمران بھارتیہ جنتا پارٹی تے اپوزیشن دی کانگرس پارٹی اپنی جت پکی کرن لئی اک دوجے اتے کرپشن،نااہلی دے الزام لگارہی نیں۔ ایس دے نال ای دوہاں جماعتاں ولوں کوئی نہ کوئی حملہ کیتا جاندااے ،جیہدے مقصد اوس نوں لوکاں سامنے نیواں وکھانااے۔
انتخابی مہم دوران پاکستانی بریانی دی انٹری پے گئی، کانگرس دے صدر راہول گاندھی دی بہن پریانکاگاندھی وزیراعظم مودی اتے حملہ کردتا۔
ایودھیا وچ ریلی نال تقریر کردیاں اوہناں بی جے پی اتےتیرورسائے، وزیراعظم نوں پاکستان جاون دا طعنا ماردتا۔کہندیاں کے مودی 25دسمبر 2015 نوں وزیراعظم نوازشریف دی ورھے گنڈھ اتے لہور ٹرگئے سن۔جتھے اوہناں دا بھرواں سواگت کیتاگیا۔
مودی اوس دورے بارے ٹویٹ وچ دسیا سی، اوہ نوازشریف دے گھر اوہناں دی دوہتری دے ویاہ وچ شریک ہوئے، کھانیاں دا کوئی ذکر نئیں کیتا سی۔
پریانکا داکہناسی، مودی اوتھے بریانی کھان گئے سن۔
(رپورٹ، روزانہ ڈان)
853
