سوڈان فوجی بغاوت صدر عمر البشیر گرفتار، دستور معطل، ایمرجنسی

(اسلام آباد ) سوڈان وچ 30 ورھیاں توں سرکار چلاون والے صدرعمر البشیر نوں ہٹا دتا گیا، اوہناں نوں فوج نے پھڑ کے کسی حفاظتی تھاں تے اپڑا دتا ۔ملک دا دستور معطل کرکے تن مھینیاں دی ایمرجنسی لادتی گئی اے۔

دفاع دے وزیر عود ابن عوف نے سرکاری ٹی وی راھیں دسیا پئی سوڈانی فوج نے ملک دے بندوبستی ماملے سنبھال لے نیں۔ تے دو ورھیاں وچ نویں سرکار بناون دا آھر کیتا جاسی ۔ اس توں مگروں چوناں ھوسن ۔وزیر نے آکھیا کہ ایس ویلے ملک وچ تن مھینیاں دی ایمرجنسی لاگو کر دتی گئی اے۔ 1989 توں ملک دے بندوبست سنبھالن والے صدر عمر البشیر خلاف سوڈان وچ کئی مھینیاں توں وکھالے ہو رہے سن عود ابن عوف نے کہ آکھیا کہ صدر نوں حفاظتی تھاں تے رکھیا اے تے اوہناں کیہ ورتاوا ہووے گا ایس بارے کجھ کیہا نئیں جاسکدا۔