امریکی نویں قنون موجب ھن امریکی ویزے لئی درخواستاں دیون والے سارے لوکاں نوں اپنے سوشل میڈیا اکاؤنٹاں دی تفصیل جمع کرانا ہووے گی۔
سٹیٹ ڈیپارٹمنٹ آکھیا کہ امریکی ویزے لئی ھن درخاستا ں دیون والیاں لئی سوشل میڈیا وچ موجود اپنے ناں تے پنج ورھیاں توں ورتوں کردیاں ای میل ایڈریس تے فون نمبرز وی جمع کرانے ہوون گے۔پچھلے ورھے جدوں ایہ صلاح دتی گئی سی تے سرکار ایہ گویڑ لاء لیا سی کہ اس توں ورھے چ 14 اعشاریہ ست ملین لوکاں اتے اثر پوے گا۔
کجھ سفارتی تے سرکاری ویزے لئی درخاستاں اتے ایہ نویں ویزا پالیسی لاگو نھیں ھووے گی پرامریکا وچ کم یا پڑھائی کرن جاون والیا لوکاں نوں ایھ معلومات لازمی دینیاں پین گئیاں ۔
661
