323

کورونا دی عالمی صورتحال

دنیا بھر وچ کورونا وائرس دے کیس تن لکھ 80 ہزار تیک اپڑ گئے۔ ہلاکتاں دی گنتی تقریباً ساڈھے 16 ہزار تے اوس دے روگی جیہڑے ٹھیک ہوگئے اوہناں دی گنتی تقریباً اک لکھ اے۔
عالمی ادارہ صحت دے ڈائریکٹر جنرل سربراہ ٹیڈرس ایڈہانم نے آکھیا اے کہ کورونا وائرس دی وباء وچ تیزی آ رہی اے لیکن ایس اتے قابو پایا جاسکدا اے۔
کورونا وائرس نال سبھ توں ودھ موتاں ہالے تائیں اٹلی وچ ہوئیاں نیں، جتھے 6077 ہلاکتاں دی تصدیق کیتی جا چکی اے۔
وائرس دے عالمی پدھر اتے پھیلاؤ مگروں ایس ورھے جاپان وچ اولمپکس کھیڈاں وی مشکل ہوندیاں وکھائی دیندیاں نیں ، کینیڈا پہلاں ای اپنے کھڈاری گھلن توں انکار کردتا اے۔
یورپی یونین نے وائرس پھیلن مگروں 30 روز لئی یونین دے باہر توں سارے مسافراں لئی اپنی سرحداں بند کر دتی نیں۔
امریکا وچ ایس وائرس توں متاثر بندیاں دی گنتی 25 ہزار توں ودھ ہوچکی اے۔ تے واشنگٹن نے اپنے شہریاں نوں باہرلے ملک سفر کرن توں منع کر دتا اے۔

اپنی رائے دا اظہار کرو