402

کشمیر وچ ہور پابندیاں، اکٹھ کرن والے گرفتار کرلیے جاون گے

مودی سرکار نے اج جمعے نوں ویکھ دیاں نماز دے اجتماع دی اجازت نئیں دتی، فوجی ناکیاں تے کسے وی تھاں اگے اکٹھ کرن دی سختی نال پابندی لادتی گئی اے۔ تاں جے کسے قسم دی بھیڑی صورتحال نال نبڑیا جاسکے۔
اخبار ہندو دی رپورٹ مطابق سرینگر سنے پوری وادی وچ معمول دی زندگی ہالے تائیں متاثر اے، مارکٹاں تے سڑکاں اتے پبلک ٹرانسپورٹ مسلسل 26 ویں دیہاڑے وی بند نیں۔ کجھ علاقیاں وچ لینڈلائن فون کھول دتے گئے نیں جد کے موبائل فون تے کیبل سروس وی نئیں کھولی گئی۔ لوکاں دا باہر دی دنیا توے ملک دے دوجے حصیاں نال رابطہ نئیں ہوررہیا۔ کرفیو دے کارن تعلیمی ادارے بند، ہسپتالاں وچ وی کجھ کھلے نیں۔
بھارتی قومی پارٹیاں تے آزادی پسند کشمیری سارے آگو قید یا گھراں وچ نظر بند نیں ،جنہاں وچ سابق تن وزیراعلی فاروق عبداللہ، عمر عبداللہ تے محبوبہ مفتی شامل اے۔
بھارتی سرکار دی لائیاں پابندیاں وچ کمی نئیں ہوسکی، اج کجھ علاقیاں وچ کشمیریاں سرکار دے 370 آرٹیکل مکاون خلاف وکھالے کرن دا اعلان کیتا اے۔ جیہدے کارن سرکار نویاں پابندیاں لائیاں تے خلاف ورزی اتے گرفتار کرن دا حکم دتا اے۔

اپنی رائے دا اظہار کرو