437

کشمیر وچ ہور سختی تے پابندیاں

وزیراعظم عمران خان دے اقوام متحدہ جنرل اسمبلی وچ خطاب مگروں سرینگر تے کجھ دوجے علاقیاں وچ کشمیری سڑکاں اتے نکل آئے تے اوہناں نے آزادی تے عمران خان دے حق وچ نعرے بازی کیتی۔ جیہدے مگروں سرکار نے ہور سختی کردتی، پلس نے لوکاں نوں خبردار کیتا پئی ہن کسے قسم دا اکٹھ کرن ٹرن پھرن والے نوں گرفتار کرلیا جاوے گا۔ ایس دے نال ای پلس دے وادھو نفری لادتی گئی اے۔ عمران خان اپنی تقریر وچ آکھیا سی کہ کرفیو غیرانسانی اے جنہوں بھارت سرکار فوری چک لوے ۔ جنہے گرفتار سیاسی کامے تے لیڈر نے اوہناں نوں وی رہا کردتا جاوے۔

وزیراعظم عمران خان نے پاکستان روانگی توں پہلاں اک ٹی وی نال خصوصی گفتگو کردیاں آکھیا کہ اسیں جیہڑا پیغام دیوں آئے ساں رب دا شکر اے اوہ کامیابی نال دے دتا،عزت اللہ دیندا پوری قوم نے دعاواں کیتیاں۔ وزیراعظم نے آکھیا اقوام متحدہ، امریکا، روس تے وڈی طاقتاں نوں پتا اے کہ کشمیر وچ کیہ ہورہیا اے۔

اپنی رائے دا اظہار کرو