268

کسے مُل اتے استعفیٰ نئیں دیواں گا: عمران خان

سینئر صحافیاں، تجزیہ کاراں تے اینکر پرسنز نال لمی گل بات دوران وزیراعظم عمران خان نے ملکی سیاسی تے معاشی صورتحال اتے وچار وٹاندرا کیتا۔

اوہناں آکھیا کہ استعفے دا سوال ای پیدا نئیں ہوندا، کسے وی قیمت اتے استعفیٰ نہیں دین گے تے انج ای ملک نوں چھڈ کے نئیں جاواں گا ۔
وزیراعظم نے دعویٰ کیتا کہ اوہ ملک نوں مشکلاں توں کڈھ کے وکھاون گے، منہگائی تے بیروزگاری وڈے مسئلے نیں تے اوہ اینہاں اتے کم کررہے نیں۔
وزیراعظم نے مزید آکھیا کہ ’اپوزیشن دی ہر جماعت وکھری گل کررہی اے، پتہ نئیں اوہناں دا ایجنڈا کیہ اے؟ نواز شریف کجھ کہندے نیں، مولانا صاحب کجھ بلاول بھٹو تے شہباز شریف کجھ ہور بولدے نیں،
مولانا فضل الرحمان دے حوالے نال عمران خان دا کہنا سی کہ مولانا سے احتجاج دا اک مخصوص ایجنڈا اے۔ “بھارتی میڈیا ویکھو مولانا فضل الرحمان دے دھرنے اتے خوشیاں منائی جارہی نیں، بھارت پہلے مولانا حضرات دے خلاف سی لیکن اج دھرنے اتے خوش اے۔
اوہناں آکھِا کہ مولانا دے انٹرویو تے خبر چلاون اتے کوئی پابندی نہیں اے۔
وزیراعظم عمران خان دا کہنا اے ’ اجیہے اشارے مل رہے نیں کہ مولانا فضل الرحمان نوں باہروں حمایت مل رہی اے۔ ایس دھرنے دا ویلا بوہت اہم اے، کشمیر دے معاملے اتے توجہ پوری طرح ہٹ گئی اے۔ فی الحال مولانا فضل الرحمان دی خواہش اے کہ مائنس وزیراعظم ہوجائے تے اوہناں دی ایہہ خواہش ایس لئی اے کیوں جے وزیراعظم کرپشن دےخاتمے پچھے اے‘۔
……

اپنی رائے دا اظہار کرو