358

ڈاکٹر لال خان، وڈا انقلابی ٹر گیا

لہور سجن رپورٹ
پاکستان وچ لیفٹ دی سیاست نوں نواں رجحان تے طریقہ کار وکھاون والے مارکسی استاد ، ترقی پسند سوجھوان ، کالم نگار کامریڈ ڈاکٹرلال خان ڈیڑھ ورھے تیک کینسر دے روگ نال جنگ لڑن مگروں 64 سال دی عمر وچ انتقال کر گئے،اوہناں نوں چکوال دے پنڈ دھون وچ اج تن وجے دفنا دتا جاوے گا۔
کامریڈ ڈاکٹرلال خان دا اصل نام ڈاکٹر تنویر گوندل سی، اوہناں دا شمار ’طبقاتی جدوجہد‘ مڈھلے دانشوراں وچ کیتا جاندا سی، لال خان انقلابی جدوجہد دا آغاز پڈھیار سیاست توں کیتا تے چھیتی ای مارکسی نظریات ول کھچے گئے،ڈاکٹر لال خان نشتر میڈیکل کالج توں ایم بی بی ایس کیتا تے نیدر لینڈز توں میڈیکل دی اگ تعلیم حاصل کرن مگروں پاکستان واپس آگئے، کجھ چیر میڈیکل دی پریکٹس وی کیتی، مگر ڈاکٹر لال خان سیاست وچ عملی طور اتے شریک ہوئے، شامل ہوگئے تے پاکستان وچ انسانی سانجھے حقاں لئی مثالی جدوجہد کیتی۔
ڈاکٹر لال خان نے ضیا آمریت دور وچ قید کٹی تے بدترین مشکلاں برداشت کیتیاں تے آخر کار مارشل لا سرکار ولوں سزائے موت سنائے جاون مگروں اوہناں نوں کئی سال لئی وطن نکالا تے مجبور ہونا پیا، اوہ چار دہائیوں توں ودھ عرصے تیک مارکسزم تے انقلابی سوشلزم دے جھنڈے ہیٹھ محنت کش طبقے دے تریخی حقاں دی جنگ وچ انتھک سپاہی دی حیثیت نال مصروف رہے۔ سماج وچ انصاف تے انسانی حقاں کیلئے اپنی زندگی وقف کیتے رکھی۔ اوہ 21 فروری نوں 62 ورھے دے عمر وچ کینسر دے مرض پاروں دنیا توں ٹورا کرگئے، اوہناں نوں چکوال دے دھون پنڈ وچ دفنایا جاوے گا۔

اپنی رائے دا اظہار کرو

2 تبصرے “ڈاکٹر لال خان، وڈا انقلابی ٹر گیا

  1. A ROLE MODEL FOR PROGRESSIVE PKISTANIS ESPECIALLY YOUTW AS THERE ANY CONDOLENCE MESSAGE FORM PM /PRESIDENT?.

  2. چکوال میں “دھون” نام کا کوئی گاؤں موجود نہیں. اس گاؤں کی تفصیل درکار ہے۔
    دوسرا لال خان کی تصنیفات کے ناموں سے بھی آگاہی دلائی جائے۔ کیونکہ چکوال کے باسی لال خان سے واقف نہیں

تبصرے بند ہیں