پاکستان سپر لیگ (پی ایس ایل) 5 دی افتتاحی تقریب اج نیشنل سٹیڈیم کراچی وچ سجے گی۔
نیشنل سٹیڈیم تے اوس دے آل دوالے نوں سجایا گیا اے، شہر دی سڑکاں اتے تھاں تھاں پاکستانی جھنڈے تے ملکی تے بدیسی کھڈاریاں دے پوسٹر لائے گئے نیں۔
پاکستان سپر لیگ دے پنچویں ایڈیشن دی افتتاحی تقریب شامیں 5 وجے نیشنل اسٹیڈیم وچ شروع ہووے گی، جیہدے وچ گلوکار راحت فتح علی خان، سجاد علی، علی عظمت، عارف لوہار، عاصم اظہر، آئمہ بیگ، صنم ماروی اور ہارون سنے 350 فنکار اپنا فن وکھاون گے جس مگروں ٹورنامنٹ شروع ہوجاوے گا۔
پی ایس ایل فائیو دا پہلا میچ جمعرات دی رات 9 وجے پچھلے چیمپئن کوئٹہ گلیڈی ایٹرز تے اسلام آباد یونائیٹڈ دی ٹیماں وچکار کھیڈیا جاوے گا۔
527
