پلوامہ حملے دے ذمہ داراں نال گل بات دا ویلا مک گیا اے۔ مودی

اسلام آباد (سجن رپورٹ) بھارت دے وزیر اعظم نریندر مودی نے آکھیا اے بئی پلوامہ حملے دے ذمہ داروں نے گل بات دا ویلا مک گیا اے تے ہن ات گردی دے خلاف پکی پیڈی کارروائی کرن دا ویلا اے۔ اوہناں آکھیا ات گردی دے خلاف کارروائی کرن تے سنگنا ات گردی نوں وادھا دیون دے برابر اے۔
ارجنٹائن دے صدر نال دلی وچ ملاقات مگروں اخباری نمائندیاں نال گل بات کردیاں بھارتی وزیر اعظم آکھیا بئی دنیا نوں اکٹھیاں ہو کے ات گرداں تے اوہناں دے نال دیاں نال نجٹھنا چاہیدا اے۔
بھارت ولوں ملے کشمیر دے ضلعے پلوامہ وچ فوجیاں اتے حملے پچھوں بھارتی وزیر اعظم نے دوجی واری سخت بیان دتا اے۔ بھارت وچ ایس حملے دے خلاف بڑا رولا رپا بینا ہویا اے۔ بھارت نے ایس حملے پچھوں پاکستان دا مند پسند قوم دا رتبہ واپس لے لیا اے تے پاکستان نے اپنا سفیر واپس اسلام آباد سد لیا اے۔ بھارت نے سری نگر توں مظفر آباد وچکار چلن والی بس وی بند کر دتی اے۔
اج نویں کارووائی وچ بھارت دے 5 ہور فوجی مارے گئے نیں تے فوج نے چار کشمیری وی شہید کر دتے نیں۔

بھارت وچ چوناں دا ویلا ہوون پاروں مودی تے اوہدی پارٹی بی جے پی پاکستان دے خلاف معاملے نوں بڑا چک رہئی اے تاں جو لوکاں دے جذبات بھڑکا کے ووٹاں لئیاں جاون ۔