282

پاکستان وچ مینوفیکچرنگ وڈے پدھر اتے گھٹ گئی

اسلام آباد: محکمہ شماریات مطابق چالو مالی ورھے دے پہلے مہینے وڈے پدھر اتے شیواں دی پیداوار دا انڈکس (ایل ایس ایم آئی) 3.28 فیصد تیک گھٹ گیا۔
ڈان اخبارمطابق خوراک، مشروبات، ٹیکسٹائل، دوا، کھاد، چمڑے، لوہے تے اسٹیل دے شعبے وچ مایوس کارکردگی باعث وڈے پیمانے اتے مینوفیکچرنگ دی پیداوار وچ مسلسل 8 ماہ سے کمی واقع ہوئی۔
جے گزشتہ مالی سال اتے نظر پائیے تاں ایل ایم ایس آئی شعبے 8.1 فیصد ترقی دے ہدف مقابلے 3.64 فیصد تک پہنچ سکیا، جد کے مالی سال 20-2019 لیے حکومت نے ایم ایس ایم دا ہدف 3.1 فیصد مقرر کیتا اے۔
وڈے پیمانے اتے مینوفیکچرنگ دا شعبہ 80 فیصد تے کُل جی ڈی پی وچ 10.7 فیصد تیک حصہ پاندا اے، ایہدے مقابلے وچ چھوٹے درجے دی مینوفیکچرنگ دا شعبہ جی ڈی پی دا صرف 1.8 فیصد تے مینوفیکچرنگ وچ 13.7 فیصد تیک دا حصہ پاندا اے۔
اگر شعبیاں نوں ویکھئے تاں آٹوموبائل دی قیمتاں وچ روپے دی قدر گھٹن کارن کئی واری اضافہ ویکھن وچ آیا، جس نے ممکنہ خریداراں نوں ایس توں دور رکھیا۔ کھانے پکانے دے تیل تے چاء دی پتی دی پیداوار وچ اگے پچھے 5.64 تے 17.65 فیصد کمی ہوئی، ویجیٹیبل گھیو دی پیداوار وچ سالانہ بنیاد اتے مالی سال 19 دے جولائی وچ 1.91 فیصد اضافہ دیکھیا گیا۔

اپنی رائے دا اظہار کرو