240

ٹرمپ دی غیرقنونی تارکین نوں ملک چھڈن دی تڑی

واشنگٹن: اگلی صدارتی چوناں دے اعلان توں پہلاں صدر ڈونلڈ ٹرمپ نے امریکا وچ غیر قنونی طوراتے رہن والے لکھاں بندیاں نوں ملک توں نکلن دی تڑی لادتی اے۔
امریکی خبرپچان والے ادارے ’ایسوسی ایٹڈ پریس مطابق ڈونلڈ ٹرمپ اک ٹویٹ وچ اعلان کیتا پئی ’امریکی امیگریشن تے کسٹم انفورسمینٹ آوندے ہفتے توں اینہاں لکھاں بندیاں دی بے دخلی شروع کردین گے۔جنہاں امریکا وڑن لئی غیر قانونی رستے اختیار کیتے‘۔
سلسلہ وار ٹوئٹس وچ امریکی صدر دا مزید آکہنا سی کہ ’اوہ جنی چھیتی نال امریکا وچ وڑے سن اوسے چھتی نال ایتھوں نکل وی جاون۔
اس بارے امریکی سرکار دے اک وڈے افسر دسیا کہ ایس کارروائی دے نتیجے وچ دس لکھ توں ودھ بندے زد وچ آون گے۔ ایہہ اوہ لوکیں نیں جنہاں نوں فیڈرل ججاں ولوں بے دخلی دے اخیرلے نوٹس مل چکے نیں ایس دے باوجود اوہ امریکا وچ ای وس رہے نیں۔

اپنی رائے دا اظہار کرو