398

نیوزی لینڈ ،سری لنکا نوں 10 وکٹ توں ہرادتا

کارڈف وچ کھیڈگئے میچ وچ نیوزی لینڈ نے ٹاس جت کے پہلاں بولنگ دافیصلہ کیتا ،سری لنکا دے سلامی بلے باز لہیرو تھری مانے 4رنز بنا پویلین ٹرگئے۔ کوشل پریرا تے کپتان دمتھ کرونارتنے نے 42رنز دی ساجھے داری قائم کرکے ٹیم نوں کجھ سنبھالا دیون دی کوشش کیتی، لیکن 29رنز بناکے پریرا آؤٹ ہوگئے، جیہدے مگروں وکٹاں ڈگن دا سلسلہ ٹرپیا، 60 دے مجموعے تیک اپڑدے اپڑدے ایشین ٹیم دے چھ کھڈاری واپس ٹرگئے سن۔ کپتان نال رک کے تھسارا پریرا سنبھل کے بلے بازی کیتی، 52رنزدی ساجھے داری نبھائی۔ مچل سینٹنر نےتھسارا پریرا نوں 27رنز اتے آؤٹ کردتا۔

سری لنکا دی پوری ٹیم 30ویں اوور وچ 136رنز بنا کے ڈھیر ہو گئی تےاوس دے 8 کھلاڑی دس رن وی نہ بناسکے۔
نیوزی لینڈ ولوں لوکی فرگیوسن تےمیٹ ہنری 3،3 وکٹاں لے لئیاں۔
کیوی اوپنراں نے اپنی ٹیم چنگا آسرادتا،تے 17ویں اوور دی پہلی گیند اتے نیوزی لینڈ بغیرکسے نقصان اپنا ہدف پوراکرلیا۔
مارٹن گپٹل 51 گینداں اتے 2 چھکے تے 8 چوکیاں دی مدد نال 73 تے کولن منرو نے 58رنز بنائے۔
میٹ ہنری نوں سوہنی بولنگ کرن اتے مین آف دی میچ قراردتا۔

اپنی رائے دا اظہار کرو

نیوزی لینڈ ،سری لنکا نوں 10 وکٹ توں ہرادتا” ایک تبصرہ

  1. شکریا کھیڈاں دی خبر پوری کرن دا نعمان یاورجی

تبصرے بند ہیں