334

ہسپتال نئیں جاواں گا

لاہور(سجن رپورٹ)پاکستان مسلم لیگ نون دے آگو تے پچھلے وزیر اعظم نواز شریف نوں دل دی تکلیف اے جس پاروں اوہناں دے گھر والے اوہناں نوں جیل توں ہسپتال جا کے علاج کران لئی نہیں منا سکے۔
مریم نواز شریف نے ٹویٹر اتے آکھیا اے بئی نواز شریف دی اماں شمیم اختر، قومی اسمبلی وچ اپوزیشن لیڈر شہباز شریف تے مریم نواز نے بدھ والے دیہاڑے کوٹ لکھپت جیل جا کے اوہناں دا حال پچھیا۔ ساریاں نے رل کے نواز شریف نوں ہسپتال جا کے علاج کران لئی مناون دی کوشش کیتی پر اوہ نئیں منے۔ نواز شریف نے آکھیا بئی اوہ علاج دے ناں تے اک ہسپتال تو دوسرے ہسپتال جا کے بے عزت ہوون لئی تیار نہیں۔
شریف خاندان نوں اوہناں صحت بارے ڈاھڈی چنتا اے۔ شہباز شریف وی سرکار دی کڑی نندیا کیتی۔
اک ہور ٹویٹ وچ مریم نواز شریف نے آکھیا بئی جمعرات دا دیہاڑ نواز شریف دی ملاقات دا دیہاڑ اے پر ایس واری اوہناں کی طبیعت خراب ہوون پاروں لیگی آگو نال ملاقاتاں نہیں ہوون کئیاں۔

اپنی رائے دا اظہار کرو