247

نواز شریف دی حالت ماڑی، مریم نواز جیل توں اسپتال اپڑگئی

21 اکتوبر دی رات سابق وزیراعظم نوں طبیعت وگڑن اتے نیب لہور دی دفتر توں سروسز اسپتال منتقل کیتا گیا سی جتھے اوہناں دا علاج ہورہیا اے۔
اسپتال اپڑن توں پہلاں سابق وزیراعظم دے خون دے پلیٹ لیٹس دی گنتی 16 ہزار رہ گئی سی، جیہڑے ہور گھٹ کے 12ہزار تیک پہنچ ہوگئی سی۔
منگل نوں اسپتال وچ پلیٹیلٹس دی تعداد خطرناک حد تیک ڈگ کے 2 ہزار رہ گئی جیہدے مگروں اوہناں نوں 3 میگا یونٹس پلیٹ لیٹس لائے گئے ،ایس نال پلیٹ لیٹس دی تعداد وچ وادھا ہوگیا۔
بدھ نوں 5 میگا یونٹس لائے گئے نوازشریف دے پلیٹ لیٹس دی تعداد 29 ہزار تیک اپڑگئے سن مگر فیر اکو سار کم ہوکر 7 ہزار اتے گنتی آگئی۔ میڈیکل بورڈ دی صلاح خاطر اک ڈاکٹر اسلام آباد تے اک کراچی توں بلایاگیا اے۔
ادھر وزیراعظم عمران خان دی پنجاب سرکار نوں ہدایت اتے مریم نواز نوں کوٹ لکھپت جیل توں سروسز ہسپتال لیا گیا، تاں جے اوہ اپنے والد نواز شریف نال ملاقات کرسکن۔
ملاقات دوران مریم نواز دی طبیعت وی وگڑ گئی، جیہدے مگروں اوہناں نوں وی سروسز ہسپتال وچ ای داخل کرلیا گیا اے۔
ذرائع مطابق نوازشریف وی وی آئی پی روم اک وچ نیں جدکے مریم نواز نوں وی وی آئی پی روم 2 وچ داخل کیتا گیا اے۔
اسپتال ذرائع نے بتایا کہ مریم نواز کے مختلف ٹیسٹ کیے گئے اور اُن کی ای سی جی کی گئی جو کہ نارمل آئی ہے۔ اسپتال ذرائع کا کہنا ہے کہ مریم نواز کو ٹھنڈے پسینے آئے، ان کا بلڈ پریشر نارمل ہے اور ڈاکٹرز نے انہیں آرام کا مشورہ دیا ہے۔

اپنی رائے دا اظہار کرو