258

نوازشریف دی طبی بنیاد اتے ضمانت منظور، فوری رہائی ناممکن

لہور: ہائیکورٹ نے سابق وزیراعظم نوازشریف دی چوہدری شوگر ملز کیس وچ طبی بنیاداں اتے ضمانت منظور کرلئی، لیکن اوہناں دی فوری رہائی ممکن نہیں۔
نوازشریف جس کیس وچ سزا یافتہ نیں جدوں تیک اوس کی وچ ضمانت نئیں ہووے گی، اوہدوں تیک اوہناں دی رہائی وی نئیں ہوسکے گی، نوازشریف نوں احتساب عدالت نے العزیزیہ ریفرنس وچ 7 ورھے قید دی سزا سنائی اے، جیہدے خلاف اسلام آباد ہائیکورٹ وچ درخواست دی سماعت منگل نوں ہووے گی۔
لاہور ہائیکورٹ وچ نوازشریف تے مریم نواز دی چوہدری شوگر ملز کیس وچ ضمانت دی درخاست اتے سنوائی ہوئی جس سلسلے وچ سابق وزیراعظم دا علاج کرن والی ٹیم دے سربراہ ڈاکٹر محمود ایاز لہور ہائیکورٹ پیش ہوئے۔ڈاکٹر محمودایاز عدالت دے پوچھن اتے میڈیکل بورڈ بنان دا نوٹیفکیشن عدالت وچ پیش کیتا تے عدالت نوں دسیا کہ اوہناں نوں مختلف مسائل نیں، جنہاں وچ جن ہائی بلڈ پریشر تے ذیابیطس دی بیماری اے، جد کہ نواز شریف دے گردے وی خراب نیں تے دو واری دل دا آپریشن وی ہوچکیا اے۔
جسٹس باقر نجفی نے ڈاکٹر محمود ایاز توں پچھیا کہ آپ نواز شریف دے اسپتال وچ علاج بارے کیہ کہندے نیں، اوہدے اتے ڈاکٹر محمود دسیا کہ نواز شریف دی بیماری دی تشخیص کجھ حد تیک ہوچکی اے لیکن ابھ مکمل تشخیص نئیں ہوئد ۔
عدالت نے نیب دے وکیل توں سوال کیتا کہ کیہ نیب ایس درخاست ضمانت دی مخالفت کردا اے، ایس اتے وکیل آکھیا کہ جے نواز شریف دا علاج پاکستان وچ ممکن اے تاں ادھر ای علاج ہونا چاہیدا اے، صحت خطرے وچ اتے تاں ساڈے کول کوئی آپس نئیں اے۔

اپنی رائے دا اظہار کرو