لندن: برطانوی پولیس نے 2016 وچ برطانیہ توں بیٹھ کے پاکستان وچ نفرت پھیلان والی تقریر کرن متعلق تفتیش وچ متحدہ قومی مومنٹ (ایم کیو ایم) دے بانی الطاف حسین اتے دہشت گردی دی دفعہ تحت فرد جرم عائد کردتی۔
الطاف حسین اپنی ضمانت ختم ہوون اتے لندن دے پولیس سٹیشن وچ پیش ہوئے جتھے میٹروپولیٹن پولیس دی انسداد دہشت گردی کمانڈ ولوں اوہناں اتے فرد جرم عائد کیتی گئی۔
اس حوالے میٹروپولیٹن نے اپنی ویب سائٹ اتے جاری بیان وچ دسیا کہ ‘الطاف حسین اتے دہشت گردی لئی اکسان کارن ٹیررازم ایکٹ (ٹیکٹ) 2006 دی سیکشن ون (2) تحت فرد جرم عائد کیتی گئی’۔
بانی ایم کیو ایم نوں فرد جرم لگن مگروں حراست وچ لے لیا گیا فیر اوہناں نوں ویسٹ منسٹر مجسٹریٹ دی عدالت پیش کیا گیا۔
الطاف حسین نوں ایما آربٹ نوٹ اگے پیش کیتا گیا جتھے اوہناں خلاف الزامات پڑھ کے سنائے گئے، جنہاں نوں منن توں انکار کردتا۔
عدالت نیں اوہناں نوں کجھ کڑی شرطاں مگروں ضمانت اتے رہا کردتا۔
376
