259

میرشکیل عدالت پیش، گرفتاری بدنیتی اے، اعتزاز

لاہور: احتساب عدالت وچ جنگ گروپ دے ایڈیٹر انچیف میر شکیل الرحمان خلاف نجی پراپرٹی کیس دی سنوائی ہوئی۔
نیب دی ٹیم میر شکیل الرحمان نوں سخت سیکیورٹی وچ احتساب عدالت لے کے اپڑی تے ایس موقعے اتے عدالت وچ کرڑی راکھی بندوبست کیتے سن، پلس دی وڈی نفری لائی سی۔
بیر سٹراعتزاز احسن نے میر شکیل الرحمان نال ملاقات دی اجازت منگی جس اتے عدالت اجازت دے دتی۔
اعتزاز احسن نے اپنی دلیل وچ مؤقف اپنایا کہ 34 ورھیاں مگروں میر شکیل نوں گرفتار کیتا گیا جیہڑا بدنیتی ثابت کردا اے، اوہناں نے ایل ڈی اے توں نئیں سگوں تیجے بندے توں قانون مطابق خریدی سی، میرے موکل دی زمین وچ کسے قسم دی دو نمبری نئیں اے۔ میرے موکل دا نام میر شکیل الرحمان اے ایس کارن اوہناں نوں گرفتار کیتا گیا۔

اپنی رائے دا اظہار کرو