اسلام آباد میں جمعیت علمائے اسلام (جے یو آئی ۔ ف) دے آزادی مارچ دا جلسہ ایچ 9 گراؤنڈ وچ ہویا، جیہدے وچ اپوزیشن دی مختلف جماعتاں دے رہنماؤاں خطاب کیتا۔
مولانا فضل الرحمان نے تقریر کردیا وزیراعظم عمران خان نوں استعفا دیوں لئی 48 گھنٹیاں دی مہلت دتی۔ اوہناں وضاحت کیتی کہ اک دن اج دا تے اگلے دو دیہاڑ، اس دوران وزیراعظم استعفیٰ دے دیون۔
مولانا فضل الرحمان نے آکھیا کہ اسیں ہور صبر دا مظاہرہ نئیں کرسکدے، اسیں اداریاں نوں طاقتور ویکھنا چاہندے آں، اسیں اداریاں متھا نئیں لانا چاہندے، لیکن اسیں اداریاں نوں نرپکھ یعنی غیرجانبدار وی ویکھنا چاہندے آں، عوام دا فیصلہ آچکیا اے، سرکار نوں ہن جانا ای ہووے گا۔
اوہناں آکھیا کہ جے محسوس ہویا کہ ناجائزحکومت دے پچھے ساڈے ادارے نیں، تاں فیر دو دن دی مہلت اے کہ اسیں اداریاں بارے اپنی رائے قائم کریئے۔ مولانا نے کہیا کہ عوام دا ایہہ سمندر طاقت رکھدا اے کہ وزیراعظم دے گھر جاکر اوہناں نوں گرفتار کرلے۔
323
