جے یو آئی کا آزادی مارچ کراچی توں شروع ہوگیا، مولانا فضل الرحمان کنیٹنر اتے چڑھ گئے، ہن ایس مارچ نے سندھ توں پنجاب وچ داخل ہونا ہے، ایس مارچ وچ پیپلزپارٹی، مسلم لیگ نون تے دوجی سرکار مخالف جماعتاں نے وی شریک ہوون دا ہوکا بھریا اے، پیپلزپارٹی دے چیئرمین بلاول بھٹو دی اسلام آباد مارچ دے اخیر اتے ریلی وچ شریک ہوون بارے ہالے پک نال کجھ نئیں آکھیا جاسکدا۔
ڈان دی رپورٹ مطابق دوجے پاسے مسلم لیگ نون دے صدر تے اپوزیشن لیڈر شہباز شریف نے آکھیا سی اوہ اسلام آباد ریلی نال خطاب کرن گے۔ پیپلزپارٹی دے لیڈر مصطفی نواز کھوکھر کہندے نیں، بلاول بھٹو دی شرکت دا فیصلہ اخیرلے ویلے اتے ہووے گا کہ مارچ کیہ صورت اختیار کردا اے۔ ہالے تائیں کوئی فیصلہ نئیں کیتا گیا۔ بلاول دے جلسیاں دا شیڈول آگیا اے اوہناں پہلی نومبر توں 9 نومبر تائیں پنجاب وچ جلسے کرنے نیں، جے یو آئی 31 اکتوبر نوں جلسہ کردی اے یاں پہلی نومبر نوں ہالے ایس دا وی کوئی پتہ نئیں۔
324
