317

مقابلے دا ماہر عابد باکسر پلس بے گناہ قرار دتا

لاہور وچ پلس مقابلیاں دا مشہور کردار سابق انسپکٹر عابد باکسر نوں لاہور پولس بے گناہ قرار دے دتا اے۔ اوہناں دے خلاف قتل، اغواء، تشدد تے بھتہ لین سمیت دس مقدمے چل رہئے سن۔ اوہناں نوں تفتیش وچ پولس نے اک، اک دو، دو کر کے سارے مقدمیاں وچ بے قصور من لیا۔
اج عابد باکسر نوں باقی دو کیساں وچ سیشن عدالت پیش کیتا گیا۔ قتل تے فراڈ دے ایہناں مقدمیاں وچ وی پلس اوہناں نوں بےگناہ قرار دے دتا، جس پاروں اوہناں اپنی ضمانت لئی دتیاں درخاستاں واپس لے لیاں۔ عابد باکسر پولس مقابلے کرن وچ مشہور سن۔ اوہناں اتے الزام سی بئی اوہ قنون دی چھتری ہیٹھ لاقانونیت دا وپار کردے سن۔ اوہناں دبئی وچ وی پناہ لے رکھی سی تے واپسی اتے ایہہ وی دہائی پائی کہ سابق وزیراعلی شہباز شریف اوہناں ہتھوں مقابلیاں وچ بندے مرواے۔ سیاسی حلقے آکھدے نیں کہ عابد باکسر نوں نون لیگ دے صدر اتے دبا پاون لئی لیاندا گیا تے لوڑ پین اتے ایس ہتھیار نوں مڑ کڈھیا جاسکدا اے۔ چیتے رہوے کے عدالتاں وچوں مجرماں نوں سزا نہ ملن پاروں شہباز شریف نے پولس ہتھوں مجرم مکاون دی پالیسی اپنائی تے ایس دوران ای عابد باکسر جیہے کرداراں جنم لیا۔

اپنی رائے دا اظہار کرو