242

مال روڈ ریلی: شہباز شریف، کائرہ سنے سیکڑاں اتے مقدمہ

اپوزیشن جماعتاں ولوں 2018 دے عام انتخابات نوں اک ورھا پورا ہوون اتے سیاہ دیہاڑ مناون لئی احتجاج کیتا گیا۔ ایس سلسلے وچ ملک بھروچ ریلیاں کڈھیاں گئیاں، لہور دی ریلی خلاف پلس نے مقدمے درج کیتے، جنہاں وچ اپوزیشن لیڈر شہباز شریف تے پی پی لیڈر قمرزمان کائرہ نوں وی نامزد کیتا اے۔
پولیس ولوں پیپلزپارٹی تے مسلم لیگ (ن) دے 58 اممبراں تے 2 ہزار نامعلوم بندیاں خلاف 2 وکھری وکھری ایف آئی آر درج کیتی گئیاں۔
پلس دا آکھنا اے کہ ہائیکورٹ مال روڈ اتے ریلی کڈھن خلاف ہٹک لائی سی جیہدے النگھنا کیتی گئی،
اپوزیشن خلاف درج مقدمے امن عامہ وچ رکاوٹاں پیدا کرن دے 10 جدکے ساؤنڈ سسٹم ایکٹ، دفعہ 144 دی خلاف ورزی، سرکاری مال نوں نقصان پہنچان تے تھاوں اتے پینافلیکس بینرز دا استعمال وی شامل اے۔

اپنی رائے دا اظہار کرو