عمران خان دا دورہ امریکا، تیجے درجے دا

اک رپورٹ وچ دسیا گیا کہ وزیراعظم عمران خان ‘آفیشل ورکنگ وزٹ’ اتے امریکا دا دورہ کررہے نیں، جتھے اوہ امریکی صدر ڈونلڈ ٹرمپ نال وائٹ ہاؤس وچ ملاقات وی کرن گے، ایس دے باوجود ایہہ دورہ پہلے نئیں، تیجے درجے دا ہووے گا۔
امریکاجیہڑے دورے نوں پہلا درجہ دیندا اے، اوہ ‘اسٹیٹ وزٹ’ ہوندا اے، جیہدا سدا صرف صدراں یاں بادشاہاں نوں دتا جاندا اے، ایہدے وچ حکومت دے سربراہ یاں وزیراعظم شامل نئیں ہوندے۔
امریکی محکمہ خارجہ غیر ملکی سربراہاں دا ریکارڈ تیارکردااے، اوہ دوریاں نوں پنج درجے دیندا اے، جنہاں وچ پہلا ‘اسٹیٹ وزٹ’، دوجا ‘آفیشل وزٹ’، تیجا’آفیشل ورکنگ وزٹ’، چوتھا ‘ورکنگ وزٹ’ تے پنجواں ‘پرائیویٹ وزٹ ہوندا اے۔