242

صحافیاں لئی ویج ایوارڈ چھیتی آئے گا،فردوس عاشق

اطلاعات لئی وزیراعظم دی مددگار ڈاکٹر فردوس عاشق اعوان نے لہور ریلوے سٹیشن پناہ گاہ دے دورے اتے میڈیا نال گل بات کردیاں اک سوال دے جواب وچ دسیا پئی میڈیا مالکان نوں سرکار اوہناں اشتہاراں دی رقم اک ارب نوے کروڑ روپے دے چھڈی اے، جیہڑے لنگھی سرکار پی ٹی آئی خلاف چلائے سن۔
فردوس عاشق کا آکھنا سی پئی وزیراعظم نوں صحافیاں دی مشکلاں دا احساس اے تے اوہناں ایس اتے کئی میٹنگاں وی کیتیاں نیں۔ اوہناں وزارت اطلاعات نوں ایہہ ٹاسک دتا پئی، اخباری کامیاں لئی ویج ایوارڈ بناویا جاوے جدے تحت اوہناں دیاں تنخواہاں مہنگائی نوں ویکھدیاں ہوئیاں متھیاں جاسکن۔ اوہناں ویج ایوارڈ دے سربراہ نال وی ایس حوالے نال گل بات کیتی اے۔
وزیراعظم دی معاون خصوصی ایہہ وی دسیا پئی ایتوار نوں اوہناں دی میڈیا مالکاں نال ملاقات ہووے گی، جدے وچ اشتہاراں دی باقی رقم اتے کھل کے گل ہووےگی۔ کیوں جے سرکار تے اوہناں دی دسی رقم وچ فرق اے۔

اپنی رائے دا اظہار کرو