اسسٹنٹ سپرنٹنڈنٹ پولیس (اے ایس پی) صادق آباد مطابق ولہار اسٹیشن اتے لہور توں کوئٹہ جان والی اکبر ایکسپریس کھلوتی مال گاڑی وچ جا وجی، ریسکیو مطابق حادثے وچ 3 توں 4 بوگیاں الٹ گئیاں تے 6 توں 7 بوگیاں ڈاھڈی متاثرہوئیاں جدکے اکبر ایکسپریس دا انجن پورے دا پورا تباہ ہوگیا۔
اوہناں دسیا کے سواریاں نوں بساں وچ اوہناں دی منزل تیک اپڑایا جاوے گا۔ دوجے پاسے ڈی پی او رحیم یار خان عمر دا آکھنا اے ‘صادق آباد. حادثہ سگنل تبدیل نہ کرن پاروں پیش آیا، مسافر ٹرین دے لوپ لائن اتے آون دا کوئی کارن وکھائی نئیں دیندا۔
پولیس مطابق حادثے وچ پھٹڑ 56 بندیاں نوں ٹی ایچ کیو ہسپتال جد کے 27 نوں شیخ زید ہسپتال ٹور دتا گیا اے جتھے پہلاں ای ایمرجنسی لادتی گئی اے۔
وزیر ریلوے اک وار فیر روایتی بیان جاری کردیا آکھیا کہ ایہہ انسانی غفلت اے تے ایس حادثے دے ذمہ واراں نوں نئیں چھڈاں گے۔
‘
329
