سلیکٹڈ حکومت آمر نوں بچاون وچ لگی اے، بلاول بھٹو

پاکستان پیپلزپارٹی (پی پی پی) دے چیئرمین بلاول بھٹو زرداری نے کہیا اے کہ سنن وچ آیا اے کہ سلیکٹڈ حکومت آمر نوں بچاون دی کوشش کررہی اے۔
پاکستان انسٹیٹیوٹ آف میڈیکل سائنسز (پمز) وچ اپنے والد آصف علی زرداری نال ملاقات مگروں میڈیا نال گل بات کردیاں بلاول بھٹو زرداری دا کہنا سی کہ’ آج زرداری صاحب نال ملن دا موقع ملیا، اوہناں دی طبیعت خراب اے لیکن حوصلہ ودھ اے، اج وی سابق صدر زرداری اپنے مؤقف تے نظریے اتے ڈٹے نیں۔ ساڈا قائد زرداری نہ جھک دا اے تے ناں ای وکدا اے۔
اوہناں آکھیا کہ جدوں دا ساڈا سندھ دا کیس پنڈی وچ چل رہیا اے، آصف زرداری نے ایس اتے درخواست دتی اے لیکن ہن سپریم کورٹ وچ پٹیشن داخل کراں گے۔عدالت راولپنڈی وچ سماعت ہون یا نہ ہون دا فیصلہ کرے گی، آس اے کہ ماضی دی غلطیاں توں جیہڑا نقصان ہویا اے، ایس وار انصاف ہووے گا۔
پرویز مشرف کیس متعلق پی پی چیئرمین دا کہنا اے کہ ایس وقت اک آمر دا کیس وی چل رہیا اے تے چیف جسٹس دے مطابق ایس دا فیصلہ جلد آون والا سی مگر ہن سنن وچ آرہیا اے کہ سلیکٹڈ سرکار اوہناں نوں بچانے دی کوشش کررہی اے فیر وی پورے ملک دی نظراں ہن عدلیہ اتے لگیاں نیں۔