اسلام آباد( سجن رپورٹ) پاکستانی قیدیاں نوں چھڈن کا اعلان کیتا اے۔ سعودی عرب نے ایہہ اعلان پاکستان دے دورے تے ولی عہد نوں وزیر اعظم عمران خان ولوں کیتی گئی درخواست تے کیتا اے۔
اطلاعات دے وزیر فواد چودھری نے سوشل میڈیا دی ویب سائٹ ٹویٹر اتے اپنے سنہیے وچ آکھیا اے بئی سعودی عرب دے ولی عہد محمد بن سلمان نے وزیر اعظم عمران خان دی درخواست اتے حکم جاری کیتا اے بیہ 2107 پاکستانی قیدیاں نوں چھڈ دتا جائے۔
رات دے کھانے تے وزیر اعظم عمران خان نے سعودی عرب دے شہزادے نے درخواست کیتی سے بئی اوہناں کی جیلاں وچ قید نمانے پاکستانیاں نوں چھڈن دا حکم دتا جاوے۔ ایس اتے سعودی عرب دے شہزادے نے آکھیا سی بئی اوہ پاکستان دا وزیر اعظم نوں ناں نہیں کر سکدے ایس لئی جو کجھ اوہ کر سکن گے تے ضرور کرن گے۔ شہزادے نے ایہہ وہ آکھیا سی بئی اوہناں نوں سعودی عرب وچ پاکستان دا سفیر سمجھیا جاوے۔
وزیر اعظم عمران خان ولوں پاکستانی قیدیاں دا معاملہ چکن اتے تے شہزادے ولوں ایہہ آکھن تے بئی اوہ سعودی عرب وچ پاکستان دے سفیر نے پاکستان دے لوکاں نے بڑا سلاہیا اے۔
ایس ویلے تقریبا 26 لکھ پاکستانی سعودی عرب وچ کم کر رہئے نیں تے اوہناں وچوں زیادہ محنت مزودری کر رہئے نیں۔
469
