469

راولپنڈی: پاک فوج دا طیارہ ڈگ کے تباہ، عملے سنے 18 بندے جاں بحق

پاک فوج دا طیارہ راولپنڈی دے علاقے موہڑہ کالو وچ ڈھ گیا جیہدے مگروں تباہ ہوگیا، ایس وقوعے وچ دو فوجی افسر تن جوان شہید ہوگئے جد کے باراں دوجے شہری وی جاں بحق ہوئے۔

آئی ایس پی آر مطابق پاکستان آرمی ایوی ایشن دا طیارہ تربیتی اڑان اتے سی، ایس دوران سویرے چار بج کے 54 منٹ اتے حادثے دا شکار ہوگیا تے راولپنڈی دی شہری آبادی والے علاقے موہڑہ کالو وچ ڈگ گیا۔

پاک فوج دے بیان وچ آکھیا گیا کہ طیارہ رہائشی علاقے وچ حادثے دا شکار ہویا جیہدے کارن 12 شہری وی جاں بحق جبکہ 12 دوجے زخمی ہوگئے۔
واقعے مگروں پاک فوج دی امدادی ٹیماں تے ریسکیو دے اہلکار اوتھے اپڑ گئے۔ طیارے نوں اگ لگ گئی سی۔ زخمیاں نوں ہسپتال پہچادتا گیا۔
آئی ایس پی آر مطابق حادثے وچ شہید ہون والے افسران میں لیفٹیننٹ کرنل ثاقب (پائلیٹ) تے لیفٹیننٹ کرنل وسیم (پائلیٹ)، نائب صوبیدار افضل، حوالدارابن امین اور حوالدار رحمت شامل نیں۔
شہریاں دی شناخت محمد جمیل، روبینہ، حبیب، پاری بی بی، فاطمہ بی بی، شبیر، عظمیٰ بی بی، عبدالحفیظ، راحیلہ بی بی، فیضان، فائزہ بی بی، عبدالروف دے نام نال ہوئی اے۔

اپنی رائے دا اظہار کرو