90

تیل دی قیمتاں وچ وادھا: اوپیک ملکاں تیل دی ودھدی قیمتاں نوں گھٹ کرن وچ دلچسپی کیوں نہیں رکھدے؟

(اسلام آباد سجن ڈیسک ) دنیا دیاں بھوں سارے ریاستاں ولوں تیل دیاں قیمتاں گھٹ کرن دا ٹل لایا جا رھیا اے اس لئی تیل ویچن والے وڈے ملکاں دا اکٹھ پنچ مئی (جمعرات) نون ھو رھیا اے پر ” اوپیک پلس گروپ “دے ملک جنہاں وچ روس وی شامل اے، اس حوالے نال ایہ ملک تیل دیاں قیمتاں گھٹ کرن وچ اڑی کر دے نظر آرھے نیں ۔
اوپیک پلس اصل وچ ھے کیہ اے؟
اوپیک پلس اصل وچ تیل ویچن والے 23 ملکاں دا اک گروپ اے تے ایہ سارے ملک ہر مہینے ویا نا وچ سانجھ نال ایہ فیصلہ کر دے نیں کہ پئی سانوں عالمی منڈی وچ کناں کوو تیل رکھنا چاہیدا اے۔ تاں جے تیل دی رسد تے طلب نوں کنٹرول کر کے بہتا مال بنایا جا سکے ،اوپیک گروپ دی اندر دی کھانی ایہو ای اےکہ تیل اوھناں ھی کڈھو جنھی اوھدی مارکیٹ وچ ڈیمانڈ اے
’آرگنائزیشن آف آئل ایکسپورٹنگ کنٹریز‘ یعنی اوپیک دے 13 بنیادی رکن اصل وچ مشرقِ وسطیٰ تے افریقہ دے ملک نیں۔ اس تنظیم نوں سنہ 1960 وچ بنایا گیا سی تاں جے ساری دنیا وچ تیل دی ونڈ تے اس دی قیمت دے حوالے نال مسلیاں دا حل لبھیا جا سکے۔ اوپیک پلس ممالک قیمتاں وچ کمی کر کے وی کے مارکیٹ وچ زیادہ تیل ونڈ سکدے نیں پر اوہ اجے گھاٹے دا ایہ سودا کرن واسطے تیار نھیں دوجے پاسے برطانیہ تے امریکہ جیئے وڈے تیل خریدن والے ملک وی اپنیاں اکھاں اوپیک پلس اتے گڈی بیٹھے نیں ۔

اپنی رائے دا اظہار کرو