بھارت ایٹمی ہتھیار چھڈ دے ،پاکستان وی کرن نوں تیار اے، عمران خان

وزیر اعظم عمران خان دا کہنا اے کہ بھارت نال تنازع دے حل لئی ایٹمی جنگ کوئی آپشن نئیں، بھارت جوہری ہتھیار ترک کر دے تاں پاکستان وی اپنےایٹمی ہتھیار ترک کردے گا۔

اوہناں نے امریکی ٹی وی چینل ’فوکس نیوز‘ نوں انٹرویو دیندے آکھیا کہ ‘پاکستان نئیں چاہندا کہ ایران تے امریکہ وچکار کشیدگی ودھے، ایس دے پاکستان اتے چنگے اثر نئیں پین گے، علاقے دا امن تے معیشت وگڑن دا ڈاھڈا خطرہ اے۔
عمران خان آکھیا کہ اسیں خطے وچ شانتی چاہندے آں، تے ایس دے لئی امریکا تے ایران وچکار مصالحت لئی کردار نبھاون نوں تیار آں۔
پاک بھارت تعلق بارے وزیراعظم عمران خان نے آکھیا کہ اسیں بھارت نال چنگے تعلق چاہندے آں سوا ارب دی آبادی والا خطہ جنگاں نال پہلاں ای متاثر ہوچکیا اے۔ ‘خطے وچ مکمل امن تے خوشحالی چاہندے اں، ایٹمی ہتھیار کسے مسئلے دا حل نئیں’۔
عمران خان نے آکھیا کہ پاکستان تے بھارت وچکار جھگڑے دی اصل وجہ کشمیر دا مسئلہ اے، تے امریکا ای اوہ ملک اے جیہڑا دوہاں ملکاں وچ ثالثی کرا سکدا اے۔