266

بھارتی سپریم کورٹ: بابری مسجد تھاں مندر بنان دا حکم

بھارتی سپریم کورٹ نے بابری مسجد کیس دا فیصلہ سنا دتا، مسیت دی زمین ہندواں دے حوالے کردیاں مرکزی سرکار نوں مندر تعمیر کرن دا حکم دتا اے۔
چیف جسٹس رانجن گنگوئی کیس دا فیصلہ سنا رہے سن۔ اوہناں آکھیا کہ بابری مسجد کیس دا فیصلہ اتفاق نال کیتا اے۔
سپریم کورٹ فیصلے وچ کیہا کہ ہندو ایودھیا نوں رام جنم بھومی جدکہ مسلمان بابری مسجد کہندے نیں۔
عدالت لئی مناسب نئیں کہ اوہ مذہب اتے گل کرے، عبادت گاہاں دی تھان متعلق ایکٹ سارے مذہباں دے مفاد دا تحفظ کردا اے۔
فیصلے وچ کہیا گیا کہ شواہد دسدے نیں پئی مسجد دی تھاں اتے رام جنم بھومی سی تے بابری مسجد تھلے اسلامی تعمیرات نئیں، بابری مسجد نوں خالی پلاٹ اتے تعمیر نئیں ہندو سٹرکچر اتے بنی اے۔

اپنی رائے دا اظہار کرو