321

بھارتی اپوزیشن، سرینگر دا دورہ کریگی

نویں دلی ، دی ہندو رپورٹ،
سرکار مخالف جماعتاں دے آگوواں دا وفد اج 24 اگست نوں کشمیر اپڑے گا، ایس وفد وچ کانگرس دے لنگھ سربراہ راہول گاندھی ، راجیہ سبھا وچ اپوزیشن لیڈر تے کشمیر دے سابق وزیراعلی غلام نبی آزاد وی ہوون گے۔

دلی دے جنترمنتر چوک وچ 22 اگست نوں سرکار مخالف جماعتاں نے مودی سرکار ولوں 370 آرٹیکل معطلی خلاف ریلی کڈھی، اوس وچ لیفٹ دی جماعتاں، ڈی ایم کے تے آر ٹی ڈی اکٹھ نیں کشمیر وچ وفد گھلن دا فیصلہ کیتا سی۔
راہول گاندھی نے کشمیر دے گورنر نوں خط لکھیا جیہدے وچ اوہناں نوں آکھیا کہ اپوزیشن وفد کشمیر آرہیا اے ساری پارٹیاں دے آگو، سرینگر، لداخ وچ گرفتار کشمیری آگوواں، عام لوکاں تے سرکاری فوج دے جواناں نال ملنا چاہندے نیں۔
وفد وچ کیمونسٹ پارٹی ، کیمونسٹ پارٹی ایم ، ڈی ایم کے ، ترینمول کانگرس تے آر جے ڈی دے آگو جد کے ریلی وچ شریک نہ ہوون والی نیشنل کانگرس پارٹی نے وی کشمیر وفد وچ جاون دا فیصلہ کیتا اے۔

اپنی رائے دا اظہار کرو