آزاد کشمیر وچ آفٹر شاکس،ہلاکتاں 37 ریلیف دا کم جاری

آزاد کشمیر تے اسلام آباد سنے ملک دے مختلف شہراں وچ آن والے خطرناک زلزلے دے آفٹر شاکس میرپور وچ ہالے تائیں محسوس کیتے جا رہے نیں جد کہ زلزلے نال ہلاکتاں دی گنتی 37 ہو گئی اے۔
زلزلے دی شدت 5.8 ریکارڈ کیتی گئی ایہدا مرکز جہلم توں 5 کلومیٹر شمال ول سی تے ایہہ زمین وچ 10 کلو میٹر نیواں آیا سی۔
سڑکاں تباہ ہوون کارن کئی علاقیاں توں زخمییاں نوں ہسپتالاں تیک اپڑان وچ اوکڑاں آرہیاں نیں۔
زلزلہ پیما مرکز مطابق میرپور وچ اج سویرے ساڑھے 9 وجے 3.2 شدت دے جھٹکے محسوس کیتے گئے جیہدے نال لوکیں خوفزدہ ہو کے گھراں توں باہر نکل آئے۔ ڈپٹی کمشنر میرپور نے دسیا کہ ملبے وچوں سارے لوکاں نوں کڈھ لیا گیا اے، جدکے متاثرہ علاقیاں وچ ریلیف دا کم جاری اے۔