312

آزادی مارچ: (ن) لیگ، پیپلزپارٹی دھرنے دی مخالف

آزادی مارچ وچ شریک جماعتاں دی رہبر کمیٹی دے اجلاس وچ وڈی اپوزیشن جماعتاں پاکستان مسلم لیگ (ن) تے پاکستان پیپلزپارٹی (پی پی پی) نے احتجاج دوران دھرنا دیون دی مخالفت کر دتی۔
جمعیت علمائے اسلام (ف) دے آزادی مارچ نے اسلام آباد دے ایچ 9 گراؤنڈ وچ ڈیرے پالیے نیں، جدکہ مولانا فضل الرحمان دی وزیراعظم عمران خان نوں استعفا دیوں دی ڈیڈ لائن اج مُک جاوے گی۔
حکومت اپوزیشن نال گل بات نوں تیار اے، مگر وزیراعظم دے استعفے اتے گل سنن نوں وی راضی نئیں۔
ذریعے دسدے نیں پئی اجلاس وچ مسلم لیگ تے پیپلزپارٹی نے دھرنے دی مخالفت کردتی تے جے یو آئی (ف) اوہناں نوں ایس بارے راضی کرن وچ ناکام رہی۔
کہندے نیں کہ دو وڈی جماعتاں نے ڈی چوک جاوں یاں سرکار نال معاہدہ توڑن دی وی مخالفت کیتی تے آکھیا کہ دھرنے دا فیصلہ جے یو آئی دا ہووے گا۔
ایہدے تے جے یو آئی نے آکھیا کہ اوہناں دا دھرنا ہور کجھ دیہاڑ تیک رہووے گا تے ایس دوران رہبر کمیٹی تے پارٹی لیڈراں نال رابطے وچ رہواں گے۔

اپنی رائے دا اظہار کرو