266

جنرل قاسم سلیمانی جاں بحق،امریکہ توں بدلہ لواں گے۔ایران

عراقی دارالحکومت بغداد وچ امریکی حملے دوران ایرانی القدس فورس دے کمانڈر قاسم سلیمانی جاں بحق ہوگئے۔
خبر ایجنسی رائٹرز مطابق امریکا نے بغداد ائیرپورٹ دے کارگوٹرمینل لاگے سڑک اتے 2 گڈیاں نوں راکٹ حملے دا نشانہ بنایا جیہدے وچ اک ایرانی کمانڈر میجر جنرل قاسم سلیمانی دی گڈی سی۔
حملے وچ میجر جنرل قاسم سلیمانی جاں بحق ہوگئے جیہدی تصدیق امریکی محکمہ دفاع وی کردتی اے۔
امریکی صدر ڈونلڈ ٹرمپ نے امریکی جھنڈے نال ٹوئٹ کیتا۔

عراق دی پاپولر موبائلائزیشن فورس نے اپنے 7 بندیاں دے جاں بحق ہون دی تصدیق کیتی اے۔
ایہہ اعتراف کیتا کہ امریکا تے اسرائیل ابومہدی المہندس تے قاسم سلیمانی اتے حملے وچ ملوث نیں۔
حملے مگروں سیکڑاں دی گنتی وچ مظاہرین نے بغداد وچ امریکی سفارت خانے اتے دھاوا بول کے توڑ پھن کیتی۔ سفارت خانے دے باہرلے حصے نوں آگ لا دتی۔
امریکا نے سفارت خانے اتے حملے دا ذمہ دار ایران نوں قرار دتا صدر ڈونلڈ ٹرمپ اک بیان وچ کہیا کہ ایران نوں حملے دی بھاری قیمت چکانی پئے گی۔
ایران نے جنرل قاسم سلیمانی دا بدلہ لین دا اعلان کیتا اے۔
ایران دے سپریم لیڈر آیت اللہ خامنہ ای نے ایران وچ تن دیہاڑ دے سوگ دا اعلان کردیاں آکھیا جنرل قاسم سلیمانی کے قتل کا بدلہ لیا جائے گا۔

اپنی رائے دا اظہار کرو