273

ات گرد نسل پرست،بندوق اتے کیہ لکھیا سی

جگت وچ دوجے نمبر تے محفوظ ملک نیوزی لینڈ وچ ات گردی نیں ،ساری دنیا نوں حیران کردتا۔
کرائسٹ چرچ دی دومسیتاں وچ ات گردی دے واقعے وچ 49 بندے جان توں گئے، کئی پھٹر ہوئے۔
پرچول کرن والیاں دا آکھنا اے ، حملہ کرن والا نسل پرست اے،اوس دیاں بندوقاں اتے وی نسلی نعرے لکھے سن، اوہ کار وچ وی بوسنیا سربیا دے جنگی مجرماں دے حق وچ گیت سن رہیا سی۔

دوجے پاسے پلس نوں فیس بک توں حملہ آور دے اسلام دشمن مواد وی لبھ گیا،
پرچول کرن والیاں دی صلاح اے ،ات گردحملے وچ دوبندوقاں ورتیاں۔
حملے توں پہلاں اوس نیں 1992 دے سرب گیت “Beware Ustashas and Turks ” سن رہیا سی، جیہڑامسلماناں خلاف اے،حملے مگروں اوس نے گیت “فائر” سنیا، جدے بول “I am the god of hellfire!”
28 ورھیاں دے حملہ آور بارے دسیا گیا اے اوس دا تعلق آسٹریلیا توں اے۔

بندوقاں اتے نشان تے لکھتاں کیہ سن؟
Ebba Akerlund,ایہہ یاراں ورھیاں دی کڑی سی جنہوں اپریل 2017 وچ ازبک بندے نے ٹرک تھلے دے کے ماردتا ،کڑی اکرلنڈ دی یاد وچ ایس حملہ آور نیں اپنا منشور سوشل میڈیا تے دتا جیہدے وچ آکھیا کہ مغربی لوکاں خلاف جنگ کرے گا۔
بندوقاں اتے 14 دانمبر تھاں تھاں تے لکھیا اے، ایس بارے آکھیا جارہیا اے ،جرمن آمر ہٹلر دے نسل پرستی دے گیت “Mein Kampf.”دی یاد وچ 14 اکھر نیں۔

Vienna 1683, سلطنت عثمانیہ دی جنگ وچ شکست دے ورھے دی یاد دا حوالہ سی۔
Acre 1189,”وی صلیبی جنگاں دے حوالے نال لکھیا گیا سی۔
Charles Martel, 734 وچ مسلمان حملہ آوراں دی یورپ وچ شکست دی یاددا حوالہ سی۔
پرچول کرن والیاں دا آکھنا اے، حملہ آورہالے ایہہ دسنا ڈھڈا اوکھا اے ،اوس دا تعلق کسے گروپ نال اے،یاں اوہ اپنی نسل پرستی دی سوچ لے کے ایہہ سبھ کجھ کیتا۔

اپنی رائے دا اظہار کرو