234

آصف زرداری دا انٹرویو سنسر، آمریت دی یاد آگئی، بلاول

سابق صدر تے پیپلزپارٹی دے سانجھے چیئرپرسن آصف علی زرداری دا جیو ٹی وی اتے حامد میر نال انٹرویو پیر دی رات چلن توں کجھ چرمگروں بند کرادتا گیا۔
حامد میر نے نشریات بند ہوون مگروں ٹویٹ وچ آکھیا کہ ہالے انٹرویو شروع ہویا سی کہ اوس نوں روک دتا گیا۔ مینوں جانکاری اے ایہہ کون سی۔
اوہناں سوال کیتا کیہ اسیں آزاد ملک وچ ساہ لے رہے آں۔ مینوں ملکوں باہر توں فون آرہے نیں لوکیں پچھ رہے نیں کیہ ہویا۔
اوہناں آکھیا ریاست پاکستان ملک نوں بدنام کرہی اے سانوں کسے دشمن دی لوڑ نئیں اے۔
سوشل میڈیا اتے دسیا گیا اے کہ انٹرویو وچ آصف زرداری دعویِ کیتا کہ وزیراعظم عمران خان خلاف اک وڈے سکینڈل دے پرچول پچھ پڑتیت جاری اے۔
حامد میر آکھیا سابق صدر نال پارلیمنٹ وچ انٹرویو کرنا کیہ جرم اے۔ جدوں کہ اسیں اک وڈے مجرم کالعدم تحریک طالبان دے بلیار احسان اللہ احسان دا حراست وچ انٹرویو چلا دتا سی۔
پیپلزپارٹی دے چیئرمین بلاول بھٹو اپنے ردعمل وچ آکھیا کہ سلیکٹڈ سرکار چاہندی اے نری اوس دی آواز سنی جاوے۔ ہور کوئی نہ بولے۔ ایس لئی سابق صدر زرداری دا انٹرویو سنسر کیتا گیا۔
بلاول آکھیا کہ ضیاء دے پاکستن، مشرف دے پاکستان تے نویں پاکستان وچ کوئی فرق نئیں اے۔

اپنی رائے دا اظہار کرو