305

آرمی چیف دی ن لیگ وچ حمایت کس کیتی؟

جیو نیوز۔اعزاز سید
میاں نواز شریف تے شہباز شریف دی اگوائی ہیٹھ 7 دسمبر 2019ء نوں لندن وچ مشاورتی اجلاس شروع ہویا تاں سارے لیڈراں توں حلف دیون دا کہیا گیا کہ اجلاس دی کہانی باہر نہ نکلے۔ نواز شریف دے پتر حسین نواز قرآن کریم لیائے تے ساریاں نے قرآن اتے سونہہ چکی تے کارروائی شروع ہوئی۔
دسیا گیا کہ آرمی چیف دی مدتِ ملازمت توسیع بارے قانون سازی تے غیر مشروط حمایت دا اعلان کسے ہور نئیں میاں نواز شریف نے کیتا تے آکھیا کہ اوہ ایس اتے کوئی سودے بازی نئیں کرنا چاہندے۔
اجلاس دی روداد کوئی وی سناون نوں تیار نہیں لیکن لندن اجلاس توں پہلاں نومبر دے آخری ہفتے سپریم کورٹ ولوں آرمی چیف دی توسیع منسوخ کیتی تے مگروں عدالت نے آرمی چیف نوں چھ ماہ لئی توسیع دے کے حکومت نوں قانون سازی دی واضح ہدایت کیتی تاں ایس اتے نواز شریف، شہباز شریف سمیت ساری ن لیگ دی خاموشی واضح دس رہی سی کہ دال وچ کجھ کالا ہے۔

اپنی رائے دا اظہار کرو