386

بھارتی جمہوریت دا وجود خطرے وچ؟

دلی وچ انڈیا ٹوڈے دی اک گل بات دوران سیاسی سوجھوان پرتاب بھانو مہتا نے آن والے الیکشناں نوں اہم آکھیا، اوہناں دا کہنا سی کئی ماہراں دی سوچ ایہہ وے بھارتی جمہوریت دا وجود ایہناں الیکشناں دا مرکز ہووے گا۔
انڈیا وچ لنگھے ورھیاں آن والیاں سیاسی تے سماجی تبدیلیاں بارے پرتاب بھانو مہتا دا آکھنا اے کے اصلیت ایہہ نئیں کہ انڈیا دی جمہوریت خطرے وچ اے بلکہ ایہہ کہ موجودہ حالات وچ بہتری دی آس وی کھٹ دی جارہی اے۔ اوہناں آکھیا آوندے الیکشناں مگروں جے نویں سرکار وچ توازن ناں آیا تے فیر جمہوریت خطرے وچ آجاوے گی۔ ایہناں الیکشناں وچ بہت کجھ داء تے لگیا اے تے چنگے دی آس کھٹ اے۔
سبھ توں وڈا سوال ایہہ وے کہ بھارت دی جمہوریت بچے گی یاں نئیں۔ لنگھے ورھیاں وچ جیہڑا ماحول بنیا اے پندراں ورھیاں وچ بنن والیاں آس اوس نوں مکا دتا۔
قوم پرستی یا اپنی قوم دے مفاد دا جذبہ ہن ثابت کرن والی چیز بن گئی اے۔ قوم پرستی دا ورتوں لوکاں نوں ونڈن لئی کیتا جاندا اے۔ جنہاں مرضی قوم پرستی دی گلاں کردے رہو، ایہہ معاملہ ہن وسوں باہر ہوندا جارہیا اے۔ شہریاں دی آزادی دی راکھی دے معاملے تے سرکار مخالف جماعتاں نوں وی نال لے کے نئیں چلنا چاہندی۔
جمہوریت بارے گل کرنا ہون خطرناک ہوگیا، ملک گیا، سچائی گئی، نالے آزادی وی گئی۔
شکریہ بی بی سی

اپنی رائے دا اظہار کرو