سوئیڈن دی سائنسدان جسم دا بالکل نواں اعضا لبھن دے کول اپڑ گئے نیں، ایس سائنسی کھوج تے پڑچول کرن والی ٹیم نے جلد دے ہیٹھ اک نواں حصہ دریافت کرن دا دعوی کیتا اے۔ ماس دے تھلے خلیاں دا اجیہا نیٹ ورک اے جیہڑا پیڑ دا احساس دواندا اے ایہہ صدیاں توں اکھاں سامنے ہوون باوجود وکھائی نئیں دیندا سی۔
ویسے 2017 تیک منیا جاندا سی پئی انسانی جسم وچ 78 اعضا نیں فیر میسینٹری (آندراں نوں معدے دے باہرلے حصے نال جوڑن والی جھلی) دا اضافہ ہویا جیہدے مگروں ایہہ گنتی 79 ہوگئی جدکے لنگھے ورھے وی اک اعضا لبھیا ہالے تائیں اوس نوں باقاعدہ طور اتے منیا نئیں گیا۔
کیرولینسکا انسٹیٹوٹ دے ماہراں ایس نویں اعضا نوں لبھیا اے اوہناں دا آکھنا اے ایہہ اجیہے خلیے نیں جیہڑے درد دا احساس کرن والے اعصابی خلیات دے آل دوال ہوندے نیں، جییہڑے ماس جلد دی اپرلی تہہ وچ پیڑ دا احساس دواندے نیں۔
سدھے سانویں اکھرا وچ آکھیا جاوے تاں سٹ لگن اتے جدوں ساڈی تکلیف نال چیکاں نکلدیاں نیں تے ایہناں واجاں پچھے ایہہ نواں اعضا ای ہوندا اے۔
![](https://sajjanlahore.com/wp-content/uploads/2019/08/96903_01.png)