کراچی کنگز تے پشاور زلمی دی جت

کولن انگرام دی بلے بازی بدولت کراچی کنگز نیں دل کھچویں مقابلے مگروں کوئٹہ گلیڈی ایٹرز نوں چھ وکٹاں شکست دے دتی۔
انگرام نیں پاکستان سپر لیگ چوتھے ایڈیشن دی پہلی سنچری بناون دا اعزاز حاصل کیتا۔
کراچی کنگز نے کوئٹہ گلیڈی ایٹر دے 187 رنز دا ٹارگٹ 19 ویں اوور وچ چار وکٹوں دے گھاٹے اتے پورا کرلیا۔
کولن انگرام 59 گینداں تے آٹھ چھکیاں ، 12 چوکیاں نال 127 رن بناکےر ناٹ آؤٹ رہے۔ انگرام نں مین آف دی میچ ایوارڈ دتا گیا۔
پشاور زلمی نیں دل موہ لین والے مقابلے مگروں ملتان سلطانز نوں پنچ وکٹاں نال شکست دے دتی۔
زلمی دے میچ جیتن وچ حسن علی دی 17 رن دے کے چار وکٹاں تے امام الحق دا ادھا سیکڑہ وڈا حصہ پایا۔ حسن علی مین آف دی میچ ایواڈ دے حقدار قرار پائے۔
سلطانز ولوں 146 رنز ٹارگٹ پشاور زلمی نیں اننگز دے آخری اوور وچ پنچ وکٹاں دے گھاٹے اتے پورا کیتا۔