پاکستان کرکٹ بورڈ اتے پابندی دا خدشہ

’ٹی 10‘ لیگ وچ کرکٹرز نہ گھلن پاروں پی سی بی نوں انٹرنیشنل کرکٹ کونسل ولوں پابندی دا سامنا کرنا پے سکدا اے۔
ابوظہبی وچ 14توں 24 نومبر تیک ہون والی ٹی 10لیگ وچ پاکستان کرکٹ بورڈ اپنے کرکٹراں نوں این او سی دے کے واپس لین کارن مشکل وچ پھس گیا اے۔ ماضی وچ لیگ دے پہلے دو ایڈیشن دی میزبانی شارجہ کرکٹ اسٹیڈیم نے کیتی سی۔ ایس وار ایونٹ شیخ زید کرکٹ اسٹیڈیم ابوظہبی کر رہیا اے، نال ای امارات کرکٹ بورڈ وی ماضی وانگ ودھ چڑھ کے حصہ نئیں لے رہیا۔ اطلاع مطابق اماراتی کرکٹ بورڈ دے نائب چیئرمین خالد الزارونی نے چیئرمین پی سی بی احسان مانی نال رابطہ کر کے لیگ وچ پاکستانی کرکٹرز ناں گھلن دے فیصلے اتے فیر غور کرن لئی آکھیا سی۔
جیہدے جواب وچ چیئرمین پی سی بی اوہناں نوں کسے قسم دا پک نئیں کرایا سی، پی سی بی ذریعاں دسیا کہ بورڈ اتے ٹی 10لیگ وچ کھڈاری نہ گھلن بارے شدید دباؤ اے۔