کوئٹہ وچ استاداں دا وکھالا : گودیاں وچ چکے بالاں نال ٹھنڈ تے لاٹھی چارج وی کجھ نھیں وگاڑ سکیا

(اسلام آباد ڈیسک ) کوئٹہ وچ ٹھنڈ تے وسدے مینھ وچ روائیتی لیڑیاں وچ استاد سوانیاں اپنے بالاں نوں چکیاں اپنے حقاں دا وکھالا تے پلس نال ھتھا پائی کردیاں پریس کلب دے ساھمنے وکھالا اک عجب کیفیت دی منظر کشی کر رھیا سی ؛ اس ای تھاں اتے کالیاں وردیاں والے مرد سوانیاں دی پلس سوانیاں دے وکھالے نوں ڈکن لئی زور آوری کر رھی سن اس دھکے شاھی تے لاٹھی چارج پاروں بالاں دیاں چیکاں ؛ سوانیاں دے چلاون تے روون نال وکھالا ھک وکھرا منظر پیش کر رھیا سی انج جاپدا سی جویں بال وی اس وکھالے وچ برابر دے شریک سن ، ایھناں ٹیچراں دا تعلق گلوبل پارٹنر شپ فار ایجوکیسشن پراجیکٹ نال اے تے ایھ پراجیکٹ پورے بلوچستان دے دور دور پنڈاں وچ نویں سکول کھولن تے تعلیم نوں عام کرن لئی بنائے گئے سن تے ھن استاد سوانیاں بلوچستاں سرکار اگے منگ کر رھیاں نیں کھ اوھناں دیاں ڈکیاں تنخواھاں دیون دا سر بندھ کیتا جاوے تاں جے ساڈا ان پانی چل سکے